سردموسم بچوں کی صحت متاثرکرسکتاہے
اشاعت کی تاریخ: 11th, January 2025 GMT
سردی کا موسم بچوں کی صحت پر مختلف اثرات مرتب کرتا ہے،یہ ضروری ہے کہ والدین اور دیکھ بھال کرنے والے افراد سردیوں میں بچوں کی صحت کا خاص خیال رکھیں، سرد موسم میں بچے اکثر نزلہ، زکام، کھانسی اور دیگر وائرل انفیکشنز کا شکار ہو جاتے ہیں،اس کے علاوہ سردیوں میں بچوں کی جلد بھی خشک ہو سکتی ہے، ان کی قوت مدافعت بھی کم ہو سکتی ہے،سردیوں میں جسمانی درجہ حرارت میں کمی کی وجہ سے بچوں کو مختلف قسم کی بیماریوں کا سامنا ہو سکتا ہے جن میں سب سے عام نزلہ اور زکام ہیں، سرد موسم میں ہوا میں نمی کی کمی اور وائرل انفیکشنز کی وجہ سے نزلہ اور زکام کا خطرہ بڑھ جاتا ہے،کھانسی اور گلے کی سوزش، سرد ہوا بچوں کے گلے کی تہہ کو متاثر کر سکتی ہے، جس سے گلے میں درد اور کھانسی شروع ہو سکتی ہے۔ایسٹھما اور سانس کی بیماریاں،سرد موسم میں ہوا کی آلودگی اور خشک ہوا بچوں کے سانس کی نالیوں کو متاثر کر سکتی ہے، خاص طور پر ان بچوں کے لیے جو پہلے ہی سانس کی بیماریوں جیسے ایستھما کا شکار ہوں، سرد ہوا اور کم نمی کی وجہ سے بچوں کی جلد خشک ہو جاتی ہے، جس سے خشکی، خارش اور پھٹنے کی شکایت ہو سکتی ہے،فلو اور دیگر وائرل انفیکشن،سردی میں فلو اور دیگر وائرل انفیکشنز کا خطرہ بڑھ جاتا ہے، جو بچوں میں تیزی سے پھیل سکتے ہیں،بچوں کی صحت کا خیال رکھتے ہوئے چند احتیاطی تدابیر پر عمل کرنا ضروری ہے،نمبرایک گرم کپڑے پہنائیں،سرد موسم میں بچوں کو گرم رکھنا ضروری ہے،ان کے جسم کا درجہ حرارت برقرار رکھنے کے لیے مناسب لباس کا انتخاب کریں، جیسے کہ ٹوپی، دستانے، جیکٹ، اور موٹے موزے یہ چیزیں بچوں کو سردی سے بچاتی ہیں اور ان کے جسم کو گرم رکھنے میں مدد دیتی ہیںنمبردوموسم کی شدت کے حساب سے صحت مند غذاکاخیال رکھیں،سردیوں میں بچوں کو صحت مند اور غذائیت سے بھرپور خوراک فراہم کریں تاکہ ان کی قوت مدافعت مضبوط رہے،پھلوں اور سبزیوں کا استعمال بڑھائیں، خاص طور پر وٹامن سی والی غذائیں جیسے کہ سنترے اور سبز پتوں والی سبزیاں نمبرتین ہوا کی نمیت کی حفاظت،سرد موسم میں خشک ہوا بچوں کی جلد اور سانس کی نالیوں کے لیے نقصان دہ ہو سکتی ہے، اس کے لیے آپ گھر میں ہوا کی نمیت برقرار رکھنے کے لیے ہیومیڈیفائر کا استعمال کر سکتے ہیںاس سے سرد ہوا کی خشکی کم ہو گی اور بچوں کی جلد اور سانس کی صحت بہتر رہے گی، نمبرچارمناسب صفائی اور حفظان صحت،سردیوں میں بچے زیادہ تر گھروں میں رہتے ہیں، اور یہی وقت ہوتا ہے جب وائرل انفیکشنز پھیلنے کا خطرہ زیادہ ہوتا ہے اس لیے بچوں کو ہاتھ دھونے کی عادت ڈالیں، ان کے کمروں کی صفائی کا خاص خیال رکھیںنمبرپانچ کوشش کریں کہ بچے باہر زیادہ وقت نہ گزاریں، اگرچہ سرد موسم میں بچوں کے باہر کھیلنے سے خوشی ملتی ہے، مگر اگر درجہ حرارت بہت کم ہو، تو انہیں باہر زیادہ وقت نہیں گزارنے دینا چاہیے ان کا جسم زیادہ سردی میں جا کر بیمار ہو سکتا ہے،نمبرچھ ،مناسب نیند،نیند بچوں کی صحت کے لیے بہت اہم ہے، سرد موسم میں بچوں کو گرم اور آرام دہ بیڈ پر سونا چاہیے تاکہ ان کی جسمانی اور ذہنی صحت بہتر رہ سکے،نمبرسات واکسینیشن،سردیوں میں وائرل انفیکشنز کا خطرہ بڑھنے کی وجہ سے بچوں کو فلو کی ویکسین لگوانا ضروری ہے یہ بچوں کو فلو اور دیگر بیماریوں سے بچا سکتی ہے۔سرد موسم میں بچے پانی کم پیتے ہیں، لیکن یہ ضروری ہے کہ انہیں مناسب مقدار میں پانی، جوس یا سوپ دیا جائے تاکہ ان کے جسم میں پانی کی کمی نہ ہو، سرد موسم میں بچوں کی جلد خشک ہو سکتی ہے انہیں نرمی سے باتھ کریں اور موئسچرائزنگ کریم یا لوشن استعمال کریں تاکہ ان کی جلد نم اور نرم رہے،سرد موسم میں بچوں کی صحت کا خیال رکھنا ضروری ہے تاکہ وہ بیماریوں سے محفوظ رہیں اور خوش و صحت مند رہیں،مناسب غذا، صحیح لباس، اور صحت کی دیکھ بھال کے ذریعے سردی کے اثرات سے بچا جا سکتا ہے، بچے کو بیماری کی علامات نظر آئیں، تو فوراً ڈاکٹر سے رجوع کریں تاکہ بیماری کا بروقت علاج کیا جا سکے!۔
.ذریعہ: Nai Baat
کلیدی لفظ: سرد موسم میں بچوں میں بچوں کی بچوں کی جلد بچوں کی صحت سردیوں میں کی وجہ سے اور دیگر ضروری ہے سانس کی بچوں کو کا خطرہ بچوں کے ہوا کی کے لیے خشک ہو
پڑھیں:
محکمہ موسمیات کی ہیٹ ویو ختم ہونےکے بعد گرمی کی شدت میں مزید اضافے کی پیشگوئی
کراچی:شہر میں جاری ہیٹ ویوکے دوران موسم شدید گرم اور خشک رہا اور محکمہ موسمیات نے پیش گوئی کی ہے کہ گرمی کی شدید لہر مزید ایک روز جاری رہے گی اور اس کے بعد سمندری ہوائیں بحال ہوں گی تاہم موسم گرم ومرطوب رہنے کا امکان ہے۔
محکمہ موسمیات نے بتایا کہ شہر میں جاری ہیٹ ویوکے سبب گرم وخشک دن ریکارڈ ہوا، اس دوران سمندری ہوائیں غیرفعال رہیں اور ساتھ ہی بلوچستان کی جانب سے گرم اور ریگستانی شمال مغربی ہوائیں چلیں۔
بیان میں کہا کہ شہر کا کم سے کم پارہ گزشتہ روزکے مقابلے میں ایک ڈگری کمی سے24 ڈگری سینٹی گریڈ جبکہ زیادہ سے زیادہ درجہ حرارت گزشتہ کے مقابلے میں 1.7 ڈگری کمی سے 39 ڈگری سینٹی گریڈ ریکارڈ ہوا۔
محکمہ موسمیات کی جانب سے جاری الرٹ کے مطابق ہیٹ ویو کی صورت حال مزید ایک روز برقراررہ سکتی ہے تاہم زیادہ سے زیادہ درجہ حرارت میں معمول سے 4تا 6ڈگری اضافے کا امکان ہے۔
مزید بتایا گیا کہ جمعرات کو سمندری ہوائیں بحال ہونےکا امکان ہے، تاہم ہیٹ ویوکے خاتمے کے بعد شہر میں موسم گرم ومرطوب ریکارڈ ہوسکتا ہے، صوبے کے بیشتراضلاع میں موسم گرم، شدید گرم اور خشک رہنے کا امکان ہے۔
محکمہ موسمیات نے بتایا کہ منگل کو دیہی سندھ کے جیکب آباد کا پارہ 43.5 ڈگری، چھور، مٹھی اور لاڑکانہ کا درجہ حرارت 43ڈگری سینٹی گریڈ ریکارڈ ہوا۔
کشتی ڈو بنے کے واقعہ ، جاں بحق پاکستانیوں سے متعلق دفتر خارجہ کا بیان بھی سامنے آ گیا