ٹنڈومحمد خان،ٹریفک پولیس کا غیر لائسنس یافتہ ڈرائیور کیخلاف آپریشن
اشاعت کی تاریخ: 11th, January 2025 GMT
ٹنڈو محمد خان (نمائندہ جسارت)پولیس کا غیرلائسنس یافتہ ڈرائیورز، بغیر ہیلمٹ موٹر سائیکل چلانے والوں، کالے شیشے والی گاڑیوں، رفلیکٹ لائٹس کا استعمال نہ کرنے اور ٹریفک قوانین کی خلاف ورزی کرنے والوں کے خلاف کارروائیاں مسلسل جاری۔تفصیلات کے مطابق آئی جی پی سندھ غلام نبی میمن اور ڈی آئی جی پی حیدرآباد رینج طارق رزاق دھاریجو کے احکامات پر ایس ایس پی ٹنڈو محمد خان عابد علی گڈانی بلوچ کی جانب سے ضلع بھر میں امن و امان کی صورتحال برقرار رکھنے کے لیے سختی سے اسنپ چیکنگ کا انعقاد کیا گیا۔دوران مہم ٹریفک قوانین کی خلاف ورزی کرنے والے غیر لائسنس یافتہ ڈرائیورز سمیت بغیر ہیلمٹ موٹر سائیکل چلانے والوں کے خلاف سخت کارروائی عمل میں لاتے ہوئے چھوٹی بڑی 95 مختلف اقسام کی گاڑیاں، موٹر سائیکلیں اور چنگچی رکشوں کو تحویل میں لے کر تھانوں پر منتقل کیا گیا۔جبکہ ٹریفک قوانین کی خلاف ورزی پر متعدد گاڑیاں چالان کی گئی اور 6000 روپے سے زائد جرمانہ عائد کرکے چالان کئے گئے ۔ اس حوالے سے ضلع کے تمام ایس ڈی پی اوز نے اپنے متعلقہ ایس ایچ اوز کے ہمراہ ضلع کے داخلی اور خارجی راستوں اور شاہراہوں پر ناکہ لگا کر ہر آنے جانے والی گاڑیوں کی روزانہ کی طرح آج سخت چیکنگ کی گئی۔اس موقع پر ایس ایس پی ٹنڈو محمد خان نے عوام کے لئے اپنے پیغام میں کہا کہ افسران بالا کے احکامات پر ٹریفک قوانین کی خلاف ورزی کرنے والوں، بغیر لائسنس موٹر سائیکلیں و گاڑیاں چلانے والوں کے خلاف کارروائیوں کا آغاز کردیا گیا ہے۔ لہٰذا ٹریفک قوانین کا احترام کریں اور خلاف ورزیوں سے اجتناب کریں، ٹریفک قوانین کی خلاف ورزی کرنے والے ڈرائیورز کیخلاف کارروائیاں جاری ہیں۔ اس حوالے سے پولیس سے تعاون کریں اگر کوئی پولیس افسران یا جوان آپ سے گاڑی کے کاغذات یا ڈرائیونگ لائسنس طلب کرے تو فوراً دِکھائیں۔
.ذریعہ: Jasarat News
پڑھیں:
میانوالی: پولیس اور سی ٹی ڈی کا آپریشن، 10 خارجی دہشت گرد ہلاک
میانوالی(نیوز ڈیسک)میانوالی میں پولیس اور سی ٹی ڈی کے دہشت گردوں کیخلاف آپریشن میں 10 خارجی دہشتگرد ہلاک ہوگئے۔
ترجمان پولیس کے مطابق سی ٹی ڈی پنجاب اور پولیس نے میانوالی کے علاقے مکڑوال میں دہشت گردوں کی موجودگی پر آپریشن کیا، اس دوران فائرنگ کے تبادلے میں 10 خارجی دہشت گرد ہلاک ہوئے جبکہ متعدد دہشتگردوں کے زخمی ہونے کی اطلاعات ہیں۔
پولیس کے مطابق دہشتگردوں کی فائرنگ سے مقامی شخص ٹانگ میں گولی لگنے سے زخمی ہوا، جسے ہسپتال منتقل کر دیا گیا، پولیس اور سی ٹی ڈی کے تمام افسران و اہلکار مکمل طور پر محفوظ ہیں۔
آئی جی پنجاب عثمان انور نے خوارج دہشت گردوں کے خلاف شاندار کامیابی پر میانوالی پولیس کو شاباش دی اور کہا کہ پنجاب پولیس الرٹ ہے، دہشت گردوں کے ناپاک عزائم خاک میں ملا کر دم لیں گے۔
وفاقی وزیرداخلہ محسن نقوی نے میانوالی کے علاقے مکڑوال میں 10 سے زائد خوارجی دہشتگردوں کو جہنم واصل کرنے پر پنجاب پولیس اور سی ٹی ڈی کے بہادر سپوتوں کو خراج تحسین پیش کیا ہے۔
ان کا کہنا تھا کہ پنجاب پولیس اور سی ٹی ڈی نے خوارجی دہشتگردوں کو عبرتناک انجام تک پہنچا کر ایک بڑی کامیابی حاصل کی، خوارجی دہشتگردوں کے مذموم عزائم ناکام بنانے والے بہادر جوانوں کی جرات پر فخر ہے، پنجاب پولیس اور سی ٹی ڈی شاباش کے مستحق ہیں۔
محسن نقوی نے فتنہ الخوارج کے 10 سے زائد دہشتگردوں کو جہنم واصل کرنے پر پولیس اور سی ٹی ڈی کی پوری ٹیم کو مبارکباد بھی دی۔
Post Views: 7
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل