دعا ہے پاک ترکیہ دوستی، شراکت داری نسلوں تک پھیلتی پھولتی رہے: مریم نواز
اشاعت کی تاریخ: 11th, January 2025 GMT
لاہور؍ ملتان (نوائے وقت رپورٹ+ سپیشل رپورٹر) وزیراعلیٰ پنجاب مریم نواز شریف نے ملتان کا دورہ کیا اور ملتان یونیورسٹی آف سائنس اینڈ ٹیکنالوجی پہنچ گئیں۔ وزیراعلیٰ مریم نوازشریف نے ملتان یونیورسٹی آف سائنس اینڈ ٹیکنالوجی میں مریم نواز شریف گرلز ہاسٹل کا سنگ بنیاد رکھ دیا۔ گرلز ہاسٹل میں 119 کمرے بنائے جائیں گے۔ گرلز ہاسٹل میں میس ہال، جمنیزیم، تفریحی لاؤنج بھی ہوں گے۔ وزیراعلیٰ مریم نواز شریف نے ملتان یونیورسٹی آف سائنس اینڈ ٹیکنالوجی کے مختلف شعبوں کا بھی معائنہ کیا۔ وزیراعلیٰ مریم نواز شریف نے مسٹ یونیورسٹی میں جدید گوگل کلاس رومز، ڈیجیٹل لائبریری کا بھی وزٹ کیا۔ مریم نواز شریف نے ملتان میں پاک ترک معارف انٹرنیشنل سکول اینڈ کالج کا افتتاح کر دیا۔ افتتاحی تقریب میں مہمان خصوصی کے طور پر شر کت کی۔ ترک معارف انٹرنیشنل سکول اینڈ کالج کی ننھی بچیوں نے ترک زبان میں خوش آمدید کہا اور گلدستہ پیش کیا۔ ترکیہ کے وزیر تعلیم یوسف تاکن ترکیہ کے سفیر معارف انٹرنیشنل سکول فاؤنڈیشن کے صدربیرل ا یکگن اور دیگر ترک حکام بھی موجودتھے۔تقریب میں پاکستان اور ترکیہ کے ترانے بجائے گئے۔ پاک ترک معارف انٹرنیشنل سکول کے بارے میں دستاویزی فلم بھی پیش کی گئی۔وزیر اعلیٰ مریم نواز شریف نے پاک ترک معارف انٹرنیشنل سکول کا دورہ کیا۔ وزیر اعلیٰ مریم نواز شریف نے پاک ترک معارف انٹرنیشنل سکول کی لائبریری اور دیگر شعبے دیکھے۔وزیر اعلیٰ مریم نواز نے معارف انٹرنیشنل سکول ملتان کی افتتاحی تقریب سے خطاب کرتے ہوئے کہاکہ ترک معارف انٹرنیشنل سکول کے افتتاح پر آپ سب کا تاریخی شہر ملتان میں خیر مقدم اعزاز کی بات ہے- ترکیہ کے وزیر تعلیم یوسف تیکن کی قیادت اور لگن ہم سب کے لیے مشعلِ راہ ہے۔ تعلیم اور ثقافتی تبادلے کو فروغ دینے کے لیے معارف فاونڈیشن کی کاوشیں پاکستان اور ترکیہ کے مشترکہ ویژن کی عکاس ہے-انہوں نے کہا کہ پنجاب کے عوام کی جانب سے، آپ سب کا شکریہ ادا کرتی ہوں رجب طیب اردگان کا بھی تہہ دل سے شکریہ ادا کرتی ہوں، وہ پاکستان کے حقیقی بھائی ہیں -صدر رجب طیب اردگان کی غیرمتزلزل حمایت نے دونوں قوموں کے تعلقات کو مزید مستحکم کیا ہے۔ ضرورت کے وقت میں ترکیہ نے ہمیشہ پاکستان کے ساتھ شانہ بشانہ کھڑے ہوکر اپنا اخلاص ثابت کیا ہے- صدر اردگان کے ویژن نے پنجاب اور ملک بھر میں ترقی اور بہتری کو فروغ دینے میں اہم کردار ادا کیا ہے۔دعا ہے کہ پاک ترکیہ دوستی اور شراکت داری آنے والی نسلوں تک پھلتی پھولتی رہے۔وزیر اعلیٰ پنجاب مریم نواز شریف سے ترکیہ کے وزیر تعلیم پروفیسر یوسف تیکن نے ملاقات کی۔ صدر رجب طیب اردگان کی طرف سے نیک تمناؤں کا پیغام پیش کیا۔ ترکیہ کی شعبہ تعلیم میں بہتری کے لئے تعاون کی پیشکش کی۔نصاب تعلیم میں جدت میتھ اور دیگر سبجیکٹ میں ترکیہ کے تجربات سے فائدہ اٹھانے پر اتفاق کیا گیا۔ وزیر اعلیٰ پنجاب مریم نواز شریف نے ترکیہ کے دورے کی دعوت قبول کرلی۔ تعلیم کے شعبے میں باہمی تعاون مزید بڑھانے سے متعلق امور کا جائزہ لیاگیا۔ ترکیہ کے معیاری تعلیمی ماڈلز کو پنجاب میں متعارف کرانے پر تبادلہ خیال کیا گیا۔ تعلیمی اداروں کے درمیان تعلقات کو فروغ دینے پر گفتگو کی گئی۔وزیر اعلیٰ مریم نواز شریف نے ترکیہ حکومت کی جانب سے پنجاب میں جاری تعلیمی خدمات کو سراہا۔وزیراعلیٰ نے کہا جدید نصاب تعلیم کی تشکیل نو کے لئے ترکیہ کے تجربات اور مشاہدات سے مستفید ہونا چاہتے ہیں۔ ترکیہ وزیر تعلیم یوسف تیکن نے کہا کہ پاکستان کو اپنا دوسرا گھر سمجھتے ہیں۔ صدر رجب طیب اردگان کی ہدایت پرپاکستانی بھائیوں کے لئے جو ممکن ہوا، ضرور کریں گے۔ ترکیہ کی نئی نسل کو فکر اقبال سے متعارف کرا رہے ہیں ۔ شعبہ تعلیم میں پنجاب کی معاونت کے لئے تیار ہیں۔ وزیر اعلیٰ پنجاب مریم نواز شریف نے سارک سنوکر چیمپئن شپ جیتنے پر محمد آصف کو مبارکباد دی ہے۔ سارک سنوکر چیمپئن محمد آصف کیلئے نیک خواہشات کا اظہارکیا ہے۔ وزیراعلیٰ مریم نوازشریف نے کہا کہ ویلڈن آصف، ویلڈن-- پوری قوم آپ کی جیت پر خوش ہے۔
.ذریعہ: Nawaiwaqt
کلیدی لفظ: پنجاب مریم نواز شریف مریم نواز شریف نے رجب طیب اردگان وزیر تعلیم وزیر اعلی کیا ہے کے لئے
پڑھیں:
حکومت پنجاب اور ٹرانسپورٹرز کے درمیان معاملات طے پا گئے، مریم نواز کا اہم اعلان
وزیراعلیٰ پنجاب مریم نواز شریف نے ٹرانسپورٹ کے شعبے کو صنعت کا درجہ دینے کا فیصلہ کیا ہے، جس کا ٹرانسپورٹرز کی جانب سے خیرمقدم کیا گیا ہے۔
مزید پڑھیں: پنجاب حکومت اور ٹرانسپورٹرز کے درمیان مذاکرات کامیاب، پہیہ جام ہڑتال ختم
میڈیا رپورٹس کے مطابق ٹرانسپورٹرز نے وزیراعلیٰ پنجاب کے اس اقدام کو ٹرانسپورٹ کے شعبے کی ترقی کے لیے انتہائی مثبت قرار دیا اور مکمل حمایت کا اظہار کیا۔
ایک مشترکہ اعلامیے میں بتایا گیا کہ ٹرانسپورٹ کی صنعت کی بہتری اور موجودہ مسائل کے حل کے لیے 4 کمیٹیاں تشکیل دی گئی ہیں۔ اور پنجاب کے وزیرِ ٹرانسپورٹ بلال اکبر کو اس منصوبے کے لیے مرکزی کوآرڈینیٹر مقرر کیا گیا ہے۔
اس سلسلے میں سینہئر صوبائی وزیر مریم اورنگزیب کی زیر صدارت اجلاس ہوا، جس میں گڈز اور پبلک ٹرانسپورٹ کے نمائندوں نے بھرپور شرکت کی۔ اجلاس میں 4 مستقل کمیٹیاں قائم کرنے کے ساتھ ہڑتال کے خاتمے کا باضابطہ اعلان بھی کیا گیا۔
قائم کردہ کمیٹیوں میں گڈز ٹرانسپورٹ کمیٹی، منی مزدا ٹرانسپورٹ کمیٹی، پبلک ٹرانسپورٹ کمیٹی اور اسٹاف ڈیوٹی وہیکل کمیٹی شامل ہیں۔
یہ کمیٹیاں ٹرانسپورٹرز کی سفارشات مرتب کریں گی اور پھر انہیں سینیئر صوبائی وزیر مریم اورنگزیب کے سامنے پیش کریں گی۔
مزید پڑھیں: بھاری جرمانے قبول نہیں، ٹرانسپورٹرز نے پہیہ جام ہڑتال کا اعلان کردیا
آئندہ بدھ کو ٹرانسپورٹرز اور حکومتی نمائندگان مشترکہ پریس کانفرنس میں حتمی تجاویز پیش کریں گے۔
ان چاروں کمیٹیوں کا کام مستقل بنیادوں پر ٹرانسپورٹ سے متعلق مسائل کی نگرانی کرنا اور سفارشات پر عمل درآمد کی جانچ کرنا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹرانسپورٹرز حکومت پنجاب گڈز ٹرانسپورٹ مریم نواز معاملات طے وزیر اعلیٰ پنجاب وی نیوز
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر