۔ 26نومبر احتجاج کیس‘تحریک انصاف کے 153 کارکنان کی ضمانتیں منظور
اشاعت کی تاریخ: 11th, January 2025 GMT
اسلام آباد (صباح نیوز) انسداد دہشت گردی عدالت اسلام آباد نے26 نومبر احتجاج کیس میں پی ٹی آئی کے153 کارکنان کی ضمانتیں منظور اور24 کارکنان کی ضمانتیں مسترد کردیں۔ انسداد دہشتگردی عدالت اسلام آباد نے26 نومبر کے احتجاجی کیسز میں تحریک انصاف کے177 کارکنان کی ضمانت کی درخواستوں پر فیصلہ سنا دیا۔ عدالت نے تھانہ کراچی کمپنی کے48 ملزمان میں سے43 کی ضمانتیں منظور کیں جبکہ5 کی مسترد کیں۔ تھانہ ترنول کے7 ملزمان میں سے2 کی ضمانتیں منظور اور5 کی مسترد ہوئیں جبکہ تھانہ آئی9 کے 10 ملزمان میں سے9 کی ضمانت منظور اور1 کی ضمانت مسترد ہوئی۔ انسداد دہشتگردی عدالت نے تھانہ کوہسار کے مقدمے میں28 ملزمان کی ضمانتیں منظور کیں جبکہ5 کی درخواست ضمانت مسترد کی گئیں۔ تھانہ رمنا کے8 ملزمان میں سے3 کی ضمانتیں منظور اور5 ملزمان کی درخواستیں مسترد کی گئیں۔ تھانہ سیکرٹریٹ کے تمام25 ملزمان کی ضمانتیں منظور کر لی گئیں جبکہ تھانہ مارگلہ کے45 ملزمان میں سے42 کی ضمانتیں منظور اور3 ملزمان کی ضمانتیں مسترد ہوئیں۔ تھانہ کوہسار کے مقدمے میں1ملزم کی ضمانت منظور کی گئی۔ انسداد دہشتگردی عدالت نے تمام ملزمان کی ضمانت5، 5 ہزار روپے کے مچلکوں کے عوض منظور کیں۔
.ذریعہ: Jasarat News
کلیدی لفظ: کی ضمانتیں منظور کارکنان کی ضمانت ملزمان کی منظور کی
پڑھیں:
عمر ایوب کی درخواستِ ضمانت پر دلائل کیلئے بابر اعوان نے مزید مہلت مانگ لی
---فائل فوٹوراولپنڈی کی انسدادِ دہشت گردی کی عدالت میں پی ٹی آئی رہنما عمر ایوب کی جانب سے دائر کی گئی درخواستِ ضمانت پر سماعت ہوئی۔
عمر ایوب اپنے وکیل بابر اعوان کے ہمراہ عدالت میں پیش ہوئے۔
عمر ایوب کی درخواست پر دلائل کے لیے بابر اعوان نے عدالت سے مزید مہلت مانگ لی۔
اسلام آباد ہائی کورٹ نے این اے 18 ہری پور الیکشن دھاندلی کیس سے متعلق عمر ایوب کی درخواست پرحکمنامہ جاری کر دیا۔
عدالت نے 24 اپریل تک عمر ایوب کی درخواستِ ضمانت کی سماعت ملتوی کر دی۔
سماعت کے دوران 9 مئی کے 11 مقدمات میں ملزمان میں چالان کی نقول تقسیم کی گئیں۔
راجہ بشارت، صنم جاوید، مشال یوسفزئی، سمابیہ طاہر کی جانب سے حاضری سے استثنیٰ کی درخواست دائر کی گئی۔
پراسیکیوشن نے ملزمان کی حاضری سے استثنیٰ کی درخواست کی مخالفت کر دی۔
یاد رہے کہ عمر ایوب کے خلاف 26 نومبر کے احتجاج پر تھانہ ٹیکسلا اور تھانہ حسن ابدال میں مقدمات درج ہیں۔
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی