کرم امن معاہدے کو کچھ عناصر نے سبوتاژ کرنے کی ناکام کوشش کی،محسن نقوی
اشاعت کی تاریخ: 11th, January 2025 GMT
اسلام آباد: سربراہ جے یو آئی مولانا فضل الرحمن سے وفاقی وزیر داخلہ محسن نقوی ملاقا ت کررہے ہیں
اسلام آباد (ان لائن) وفاقی وزیرداخلہ محسن نقوی نے کہا ہے کہ کرم امن معاہدے پر تمام فریقین کو اعتماد میں لیا گیا تاہم بعض عناصر نئے معاہدے کو سبوتاژ کرنے کی ناکام کوشش کی۔ان خیالات کا اظہار انہوں نے جمعہ کو جمعیت علمائے اسلام کے سربراہ مولانا فضل الرحمن کے ساتھ ملاقات میں کیا ،اس موقع پر وزیرداخلہ محسن نقوی نے مولانا فضل الرحمن کی خیریت دریافت کی اور ا مولانا فضل الرحمن کی صحت کے حوالے سے نیک خواہشات کا اظہار کیا ،ملاقات میں باہمی دلچسپی کے امور اور ملک کی مجموعی صورتحال پر تبادلہ خیال کیاگیا ،ملاقات میں خیبرپختونخوا خصوصا کرم میں قیام امن کیلیے اقدامات پر بھی گفتگو کی گئی،اس موقع پر وزیر داخلہ محسن نقوی اور مولانا فضل الرحمن نے امدادی اشیاء کے قافلوں کی پارا چنار آمد پر اطمینان کا اظہار کیاہے، اس موقع پر وفاقی وزیر داخلہ نے کہا کہ کرم میں قیام امن کیلیے تمام اسٹیک ہولڈرز کو اعتماد میں لیا ہے مگر بعض عناصر نے جان بوجھ کر کرم ایشو کو غلط رنگ دیا ، انہوں نے کہا صورتحال کی بہتری کیلیے گرینڈ جرگہ کی مخلصانہ کاوشوں کو سراہتے ہیں، انہوں نے کہا کہ مولانا فضل الرحمن سے دیرینہ نیاز مندی ہے اور پاکستان کی سیاست میں مولانا فضل الرحمن کا مثبت کردار قابل تعریف ہے۔
.ذریعہ: Jasarat News
کلیدی لفظ: مولانا فضل الرحمن محسن نقوی نے کہا
پڑھیں:
وزیرِ داخلہ محسن نقوی کی اردن کے ہم منصب سے ملاقات
--فوٹو: اسکرین گریب/جیو نیوزبرسلز میں وفاقی وزیرِ داخلہ محسن نقوی اور اردن کے وزیر داخلہ مازن عبداللّٰہ ہلال الفرایہ کے درمیان ملاقات ہوئی۔
وزیر داخلہ محسن نقوی کا کہنا ہے کہ اردن کے وزیر داخلہ سے انسداد منشیات اور پولیس ٹریننگ پر تبادلہ خیال کیا۔ اردن کے وزیر داخلہ سے دوطرفہ تعاون مضبوط بنانے پر بھی بات ہوئی۔
وفاقی وزیر داخلہ سینیٹر محسن نقوی نے برطانوی وزیر مملکت برائے داخلہ ایلکس نورس سے مجرموں کی حوالگی پر گفتگو کرلی۔
محسن نقوی نے اردن کے وزیر داخلہ کو دورہ پاکستان کی دعوت دی جبکہ اردن کے بادشاہ کے کامیاب دورہ پاکستان پر بھی بات ہوئی۔
اردن کے وزیر داخلہ مازن الفرایے نے کہا کہ پاکستان ہمارا برادر ملک ہے، اردن پاکستان کے ساتھ تعلقات کو خصوصی اہمیت دیتا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر