اوورسیز پاکستانیوں نے ریکارڈ ترسیلات بھیج کر عمران خان کی کال مسترد کردی، مریم اورنگزیب
اشاعت کی تاریخ: 10th, January 2025 GMT
لاہور:ن لیگ کی ترجمان اور سینئر صوبائی وزیر مریم اورنگزیب نے ریکارڈ ترسیلات زر اور یورپ کے لیے پی آئی اے کی پروازوں کے دوبارہ آغاز پر قوم کو مبارکباد دی ہے۔ انہوں نے اسے وزیراعظم شہباز شریف کی قیادت میں ملک کی ترقی کا ایک اہم قدم قرار دیا ہے۔
اپنے بیان میں مریم اورنگزیب کا کہنا تھا کہ بیرون ملک پاکستانیوں نے دسمبر 2024 میں3.
سینئر صوبائی وزیر کا کہنا تھا کہ ساڑھے 4سال بعد یورپ کے لیے پی آئی اے کی پروازیں بحال ہو گئیں۔ انہوں نے سابق حکومت کو قومی اثاثوں کو نقصان پہنچانے کا ذمہ دار ٹھہرایا اور کہا کہ پی آئی اے کے پائلٹس کو نقصان پہنچانے والے عناصر کو جواب دینا ہوگا۔
موجودہ حکومت کے پہلے سال کا موازنہ سابقہ حکومت کے پہلے سال سے کرتے ہوئے انہوں نے کہا کہ موجودہ دور میں ملک کو ڈیفالٹ سے بچایا گیا، مہنگائی میں کمی کی گئی، سی پیک بحال ہوا اور غیر ملکی دوستوں کی واپسی ہوئی جب کہ سابقہ حکومت کا دور تاریخی مہنگائی، خراب خارجہ پالیسی اور قرضوں کے بوجھ کا دور تھا۔
مریم اورنگزیب نے حکومت کی کامیابیوں کو مسلم لیگ (ن) کی روایت کا تسلسل قرار دیتے ہوئے امید ظاہر کی کہ موجودہ حکومت ملک کو ترقی کی راہ پر گامزن رکھے گی۔
ذریعہ: Jasarat News
کلیدی لفظ: مریم اورنگزیب انہوں نے
پڑھیں:
15 ارب کا پیکیج مسترد،کسان اتحاد کا آئندہ سال گندم کاشت نہ کرنے کا اعلان
ملتان(ویب ڈیسک)کسان اتحاد نے پنجاب حکومت کی جانب سے 15 ارب روپے کے کسان پیکیج کومسترد کرتے ہوئے آئندہ سال گندم کاشت نہ کرنے کا اعلان کردیا۔
ملتان میں پریس کانفرنس کرتے ہوئے کسان اتحاد کے سربراہ خالد کھوکھر نے کہا کہ کسان دباؤ کا شکار ہے، کہیں ایسا نہ ہو خود کشی کرلے۔ انہوں نے پنجاب حکومت کا 15 ارب روپے کا کسان پیکیج مسترد کرتے ہوئے اعلان کیا کہ آئندہ سال گندم کاشت نہیں کریں گے۔
خالد کھوکھر نے کہاکہ پنجاب حکومت کا کسان پیکیج ناکافی ہے، کاشتکاروں کو گندم پربہت کم سبسڈی دی گئی ، کسانوں نے مریم نواز کے کہنے پر گندم کاشت کی، وزیراعلیٰ پنجاب نے ایک بار بھی کاشتکار کی مشکل کا نہیں پوچھا۔
خالد کھوکھر نے مزید کہا کہ پیداواری لاگت پوری نہیں ہورہی، حکومت ہمارا حق دے، اگلی بار کاشت نہیں ہوگی، ہم خوراک بند کرنے پر مجبور ہوگئے ہیں،پچھلے سال یوریا دستیاب نہیں تھی اس سال کاشتکار نے خریدی نہیں، کاشتکار کھاد، یوریا، فرٹیلائزر استعمال نہیں کرے گا تو پیداوار کیسے ہوگی، ہم پہلے ہی کھاد کم استعمال کررہے ہیں۔
انہوں نے مزیدکہاکہ ہم پہلے ہی 10 سے 12 ارب ڈالر کی زرعی اجناس امپورٹ کررہے ہیں، ماحولیاتی تبدیلی سے کھربوں روپے نقصان ہوا، حکومت نے کوئی امداد کی؟، صرف آٹے کا ریٹ ہے چینی کا کوئی ریٹ نہیں، آٹا دو، چار ایکڑ والے غریب اور چینی اربوں روپے کی ہے، وزیراعلیٰ نے کاشتکاروں کے کون سے وفد سے ملاقات کی ہے؟۔
مزیدپڑھیں:سوزوکی کی نئی آلٹو 2025 ماڈل لانچ: جدید فیچرز اور قیمتوں میں نمایاں اضافہ
آزادئ مذہب اور آزادئ رائے کا مغربی فلسفہ