دہلی کیلئے بی جے پی کا وزیراعلیٰ چہرہ کون ہوسکتا ہے، آتشی کا سوال
اشاعت کی تاریخ: 10th, January 2025 GMT
دہلی کی وزیراعلیٰ نے بی جے پی لیڈر رمیش بدھوڑی پر تنقید کرتے ہوئے کہا کہ یہ بات سب جانتے ہیں کہ وہ اپنی پارٹی کے لیڈران سے بھی غلط انداز میں بات کرتے ہیں۔ اسلام ٹائمز۔ دہلی اسمبلی الیکشن سے پہلے یہاں کی سیاست میں بڑے اتار چڑھاؤ دیکھنے کو مل رہے ہیں۔ اسی درمیان دہلی کی وزیراعلیٰ آتشی نے اپوزیشن پارٹی بی جے پی سے متعلق ایک بڑا دعویٰ کیا ہے۔ بحث چل رہی ہے کہ بی جے پی کا وزیراعلیٰ چہرہ کون ہوسکتا ہے۔ اس پر اب دہلی کی وزیراعلیٰ آتشی نے سنسنی خیز دعویٰ کیا ہے۔ آتشی نے پریس کانفرنس میں بیان دیا کہ بی جے پی کالکا جی امیدوار رمیش بدھوڑی کو اپنا وزیراعلیٰ کا امیدوار بنا سکتی ہے۔ اس سے متعلق انہوں نے سوشل میڈیا پوسٹ بھی کیا، جس میں لکھا "معتبر ذرائع سے پتہ چلا ہے کہ آج صبح گالی گلوچ پارٹی کی سی ای سی میٹنگ میں طے ہوا ہے کہ سب سے زیادہ گالی گلوچ کرنے والے لیڈر رمیش بدھوڑی کو وزیراعلیٰ کا چہرہ بنایا جائے گا۔ آج شام کی پارلیمانی کمیٹی کی میٹنگ اس فیصلے پر مہر لگا دے گی"۔
دہلی کی وزیراعلیٰ آتشی نے مزید لکھا "اب دہلی والوں کے سامنے دو متبادل ہیں، ایک طرف ہیں پڑھے لکھے، کام کرنے والے لیڈر اروند کیجریوال اور دوسری طرف گالی گلوچ کرنے والے رمیش بدھوڑی"۔ آتشی نے کہا کہ آپ دہلی کے کسی بھی علاقے میں جائیں، صرف یہی موضوع ہے کہ عام آدمی پارٹی نے اپنا وزیراعلیٰ عہدے کا امیدوار اعلان کردیا۔ آپ کے ووٹ دینے سے اروند کیجریوال وزیراعلیٰ بنیں گے لیکن اگر گالی گلوچ پارٹی کو ووٹ دیا تو ان کا وزیراعلیٰ کون ہوگا۔
دہلی کی وزیراعلیٰ آتشی نے رمیش بدھوڑی پر تنقید کرتے ہوئے کہا کہ یہ بات سب جانتے ہیں کہ وہ اپنی پارٹی کے لیڈران سے بھی غلط انداز میں بات کرتے ہیں۔ لوگوں نے دیکھا ہے کہ رمیش بدھوڑی نے لیڈران کے ساتھ گالی گلوچ کرنے کے ساتھ ساتھ مار پیٹ کرتے ہوئے انہیں سڑکوں پر دوڑایا تھا۔ سب جانتے ہیں کہ رمیش بدھوڑی نے پرینکا گاندھی کے خلاف نازیبا تبصرہ کیا تھا۔ اس کے کچھ دن بعد انہوں نے میرے اور میری فیملی کے ساتھ گالی گلوچ کی۔ رمیش بدھوڑی کو اس کا انعام مل رہا ہے کہ ان کی پارٹی ان کو وزیراعلیٰ چہرے کے طور پر اعلان کرنے جا رہی ہے۔
ذریعہ: Islam Times
کلیدی لفظ: بی جے پی
پڑھیں:
سوشل میڈیا کے مثبت استعمال کیلئے پالیسی سازی کرینگے، سرفراز بگٹی
کوئٹہ میں میڈیا انفلوئنسرز سے ملاقات کرتے ہوئے وزیراعلیٰ سرفراز بگٹی نے کہا کہ دور حاضر میں سوشل میڈیا کی طاقت سے انکار ممکن نہیں کر سکتے ہیں۔ نوجوانوں کی درست رہنمائی وقت کی اہم ضرورت ہے۔ اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ نوجوانوں کو سماجی رابطوں کی ویب سائٹس کے ذریعے گمراہ کیا جا رہا ہے۔ پالیسی سازی کرکے سوشل میڈیا کو بہتری کا ذریعہ بنائیں گے۔ انہوں نے کوئٹہ میں سوشل میڈیا انفلوئنسرز سے ملاقات کرتے ہوئے کہا کہ بلوچستان میں پہلی سوشل میڈیا پالیسی متعارف کرائی جا رہی ہے۔ دور حاضر میں سوشل میڈیا کی طاقت سے انکار ممکن نہیں کر سکتے ہیں۔ نوجوانوں کی درست رہنمائی وقت کی اہم ضرورت ہے۔ انہوں نے کہا کہ سوشل میڈیا کے ذریعے نوجوانوں کو گمراہ بھی کیا جا رہا ہے۔ ریاست سب سے مقدم، گورننس میں خامیوں کی نشاندہی خوش آئند ہے۔ مثبت تنقید کو قبول کریں گے، اصلاحات کے عمل کو تقویت دیں گے۔ سوشل میڈیا صارفین کے تحفظات و تجاویز کو پالیسی کا حصہ بنایا جائے گا۔ وزیراعلیٰ نے کہا کہ نوجوانوں کو روزگار، تعلیم اور آگاہی کے مواقع دیئے جائیں گے۔ سوشل میڈیا کو بہتری کا ذریعہ بنائیں گے، منفی پراپیگنڈے کا راستہ روکیں گے۔ بلوچستان کی مثبت تصویر اجاگر کرنے میں نوجوان کردار ادا کریں۔ انہوں نے کہا کہ انفلوئنسرز معاشرتی ہم آہنگی اور قومی یکجہتی کو فروغ دیں۔ نئے دور کے تقاضوں کے مطابق پالیسی سازی ناگزیر ہے۔
سپریم کورٹ : 9 مئی کے مزید اہم مقدمات سماعت کے لیے مقرر