ویوو نے شاندار ڈیزائن، 80W FlashCharge اور جدید ٹیکنالوجی کا حامل Y200 سمارٹ فون پاکستان میں متعارف کروا دیا
اشاعت کی تاریخ: 10th, January 2025 GMT
لاہور(اُردو پوائنٹ اخبارتازہ ترین۔ 10جنوری2025ء)عالمی شہرت یافتہ سمارٹ فون برانڈ ویوو نے اپنے صارفین کو جدید ٹیکنالوجی سے روشناس کرنے کا سفر جاری رکھتے ہوئے اپنی مشہور زمانہ Y سیریز میں نیا سمارٹ فون Y200 متعارف کروادیا ہے۔ یہ سمارٹ فون 80W FlashCharge, 120Hz AMOLED Display اور AI Aura Light Portrait جیسے شاندار فیچرز کے ساتھ دلکش ڈیزائن پیش کرتا ہے۔ ویوو Y200 کو صارفین کی روزمرہ ضروریات کو مدنظر رکھتے ہوئے تیار کیا گیا ہے۔
اس میں موجود 5000mAh کی بڑی بیٹری 80W FlashCharge ٹیکنالوجی کی مدد سے منٹوں میں تیزی سے چارج ہو جاتی ہے۔ مزید یہ کہ ویوو اس سمارٹ فون کی 4 سالہ بیٹری ہیلتھ کی ضمانت بھی دیتا ہے۔ علاوہ ازیں، ویوو Y200 میں موجود 8GB + 8GB Extended RAM اور 256GB ROM کی مدد سے صارفین باآسانی ملٹی ٹاسکنگ کر سکتے ہیں اور سٹورج ختم ہونے کی فکر سے ہمیشہ کے لیے آزاد ہوسکتے ہیں۔(جاری ہے)
صارفین کے تجربے کو بہترین بنانے کے لیے یہ سمارٹ فون Snapdragon® 685 Processor کے ساتھ اعلیٰ کارکردگی فراہم کرتا ہے۔ اس کے علاوہ ، 1800nits Peak Brightness کے ساتھ ویوو Y200 کا 120Hz AMOLED Display صارفین کے سکرین دیکھنے کے تجربے کو مزید پرلطف بنادیتا ہے۔ ویوو Y200 پاکستان میں دو دلکش رنگوں Titanium Silver اور Emerald Green میں متعارف کروایا گیا ہے اور اس کے Ultra-Slim Design کو مزید پائدار بنانے کے لیے اس میں IP64 Dust and Water Resistance بھی دی گئی ہے۔ زندگی کے لمحات کو بہترین طریقے سے محفوز کرنے کے لیے ویووY200 میں AI Aura Light Portrait فیچر موجود ہے جو کم روشنی میں بھی شاندار پورٹریٹس بناتا ہے۔ اس کے AI Erase اور AI Photo Enhancement جیسے فیچرز کی مدد سے صارفین تصاویر کو مزید دلکش بناسکتے ہیں۔ ویوو کا نیا(256GB ROM) Y200 سمارٹ فون پاکستان بھر میں 65،999 روپے کی قیمت پر 11 جنوری 2025 سے پری آرڈر کے لیے دستیاب ہوگا اور15 جنوری 2025 سے مارکیٹ میں خریداری کے لیے پیش کردیا جاۓ گا۔ ویوو Y200 کے ساتھ ایک سال کی آفیشل وارنٹی فراہم کی جارہی ہے اور ساتھ ہی ساتھ 15 دن تک مفت تبدیلی کی سہولت بھی میسر ہے۔ نیز تمام ایسیسریز کے لیے بھی 6 ماہ کی وارنٹی فراہم کی جاتی ہے۔ ویوو کا نیا Y200 سمارٹ فون پاکستان ٹیلی کمیونیکیشن اتھارٹی سے تصدیق شدہ ہے اور دونوں سم کارڈ سلاٹس پر فور جی ایل ٹی ای، تھری جی اور ٹو جی موبائل انٹرنیٹ چلانے کی صلاحیت رکھتا ہے۔ زونگ صارفین اگرسلاٹ ون میں اپنی4G سم استعمال کریں تو انہیں 12 گیگا بائیٹ مفت موبائل ( /2GBماہ ، چھ ماہ کے لیے) انٹرنیٹ بھی فراہم کیا جائے گا۔ مزید معلومات کے لیے یہ صفحہ ملاحظہ کریں: https://www.vivo.com/pk/products/y200
ذریعہ: UrduPoint
کلیدی لفظ: سمارٹ فون کے ساتھ کے لیے
پڑھیں:
پاکستان میں کون سی سولر ٹیکنالوجی سب سے کارآمد؟
پاکستان میں بجلی کے مسلسل بڑھتے ہوئے نرخ اور طویل دورانیے کی لوڈشیڈنگ کے باعث عوام کی بڑی تعداد متبادل ذرائع توانائی، خصوصاً سولر سسٹمز، کی طرف تیزی سے رجوع کررہی ہے۔
یہ بھی پڑھیں: کیا درجہ حرارت میں کمی سولر پینلز کی قیمتیں نیچے لے آئی؟
یہی وجہ ہے کہ ملک بھر میں سولر انرجی سسٹمز کی مانگ میں گزشتہ چند برسوں کے دوران غیر معمولی اضافہ دیکھنے میں آیا ہے۔
گھریلو صارفین سے لے کر تجارتی شعبے تک، زیادہ سے زیادہ لوگ نسبتاً کم لاگت اور طویل مدتی فائدہ دینے والی شمسی توانائی کی طرف تیزی سے رجوع کر رہے ہیں۔
مارکیٹ میں دستیاب سولر پینلز کی اقساممقامی مارکیٹ میں اس وقت مختلف ملکی و غیر ملکی کمپنیوں کے متعدد اقسام کے سولر پینل دستیاب ہیں، جن میں مونو کرسٹل، پولی کرسٹل اور تنکی تہہ (تھن فلم) ٹیکنالوجی کے پینل شامل ہیں۔
تاہم صارفین کے لیے اصل سوال یہ ہے کہ پاکستان کے موسم، بجٹ اور استعمال کے حساب سے ان میں سے بہترین انتخاب کون سا ثابت ہو سکتا ہے۔
این ٹائپ بائی فیشل پینلز کی مقبولیتسولر انرجی ایکسپرٹ شرجیل احمد سلہری کے مطابق پاکستانی مارکیٹ میں این ٹائپ بائی فیشل سولر پینلز کی بہت زیادہ بھرمار ہے۔ یعنی مارکیٹ میں زیادہ تر کمپنیاں اور ڈسٹری بیوٹرز اسی ٹیکنالوجی کے پینلز فروخت کر رہے ہیں۔ یہ پینلز عام طور پر 585 واٹ سے لے کر 645 واٹ تک کی مختلف ریٹنگز میں دستیاب ہیں، اور زیادہ تر ٹئیر ون برانڈز ان ہی ماڈلز پر کام کر رہے ہیں، جس سے اندازہ ہوتا ہے کہ یہ اس وقت سب سے زیادہ مانگ والی اور قابلِ اعتماد ٹیکنالوجی ہے۔
یہ بھی پڑھیں: کیا پاکستان میں سولر پینل کی مینوفیکچرنگ ممکن ہے؟
انہوں نے یہ بھی بتایا کہ موجودہ تمام بڑے ماڈلز سی–سائی (کرِسٹلائن سِلِکون) ٹیکنالوجی پر مبنی ہیں، جو جدید سولر انڈسٹری میں سب سے زیادہ استعمال ہونے والا معیاری طریقہ ہے۔ اس کا مطلب یہ ہے کہ مارکیٹ میں آنے والے این ٹائپ پینل مضبوط، بہتر معیار اور زیادہ کارکردگی پر فوکس کرتے ہیں۔
کون سی ٹیکنالوجی بہترین؟سولر انڈسٹری سے تعلق رکھنے والے محمد گلناز کا کہنا تھا کہ اس وقت سب سے بہترین سولر ٹیکنالوجی این ٹائپ بائی فیشل ہے، خاص طور پر لانگی کمپنی کے پینل کارکردگی کے لحاظ سے زیادہ مضبوط اور قابلِ اعتماد سمجھے جاتے ہیں۔ ان پینلز کی افادیت زیادہ ہوتی ہے اور ان کی اوسط عمر تقریباً 30 سال بتائی جاتی ہے، اس لیے یہ لمبے عرصے کی سرمایہ کاری کے لیے بہتر ہیں۔
ان کے مطابق مارکیٹ میں اس وقت 3 بنیادی سولر ٹیکنالوجیز استعمال ہو رہی ہیں، پہلی پی ٹائپ ہے، جو عام اور کم قیمت ٹیکنالوجی ہے۔ اس میں بوران ملے سلکان کا استعمال ہوتا ہے، لیکن کارکردگی اور لائف اسپین کے لحاظ سے یہ این ٹائپ جتنی مضبوط نہیں ہوتی۔
دوسری ٹیکنالوجی این ٹائپ ہے جو جدید، طاقتور اور زیادہ مؤثر سمجھی جاتی ہے۔ اس میں فاسفورس ملا سلکان استعمال ہوتا ہے جس کی وجہ سے یہ روشنی کو بہتر انداز میں بجلی میں تبدیل کرتا ہے اور اس میں لائٹ اِنڈیوسڈ ڈیگریڈیشن بھی نہ ہونے کے برابر ہوتی ہے۔ اس کی کارکردگی عموماً 25.7 فیصد تک پہنچ سکتی ہے، اور یہ کم روشنی یا جزوی سایہ ہونے کے باوجود بھی اچھا کام کرتی ہے۔
یہ بھی پڑھیں: سولر سسٹمز کی پیداوار گرڈ کی طلب سے تجاوز کرجائے گی، وزارت موسمیاتی تبدیلی
تیسری اور سب سے جدید ٹیکنالوجی اے بی سی (آل بیک کانٹیکٹ) ہے۔ اس میں تمام کانٹیکٹس پینل کے پیچھے ہوتے ہیں، جس سے سامنے والی سطح مکمل طور پر صاف رہتی ہے اور روشنی زیادہ مقدار میں جذب ہوتی ہے۔ اس کی ظاہری شکل بھی خوبصورت ہوتی ہے کیونکہ سامنے کوئی لائنیں یا بس بار نظر نہیں آتے۔ یہ کم گرمی پکڑتی ہے اور زیادہ کارکردگی رکھتی ہے۔ پاکستان میں اس ٹیکنالوجی کا فی الحال صرف آئی کو نامی ایک ہی برانڈ دستیاب ہے۔
انہوں نے مزید بتایا کہ پاکستان میں سب سے زیادہ مقبول اور قابلِ اعتماد ٹیکنالوجی این ٹائپ بائی فیشل ہے، اور اس میں لانگی کے پینلز کو بہتر سمجھا جاتا ہے کیونکہ وہ معیار اور کارکردگی دونوں میں سبقت رکھتے ہیں۔
صارفین کے مطابق کیا بہتر ہے؟توانائی کے ماہر انجینئر نور بادشاہ کے مطابق مونو کرسٹل پینل اپنی اعلیٰ کارکردگی، کم روشنی میں بہتر بجلی پیدا کرنے کی صلاحیت اور لمبی عمر کی وجہ سے پاکستان بھر میں سب سے مقبول تصور کیے جا رہے ہیں۔ یہ پینل ایک ہی سِلِکون کرسٹل سے تیار کیے جاتے ہیں جس کے نتیجے میں ان کی افادیت 18 سے 22 فیصد تک ہوتی ہے اور کم جگہ میں زیادہ توانائی دیتے ہیں، اس لیے شہری علاقوں میں ان کا استعمال تیزی سے بڑھ رہا ہے۔
دوسری جانب پولی کرسٹل پینل، جو کہ سلیکون کے کئی ٹکڑوں کو ملا کر بنائے جاتے ہیں، کم قیمت ہونے کے باعث دیہی علاقوں اور بجٹ محدود رکھنے والے صارفین میں اب بھی خاصے مقبول ہیں، اگرچہ ان کی افادیت مونو پینلز کے مقابلے میں کم یعنی تقریباً 15 سے 17 فیصد ہوتی ہے۔
تنکی تہہ والے پینل وزن میں ہلکے اور ڈیزائن میں لچکدار ضرور ہیں، مگر ان کی کم افادیت اور زیادہ جگہ کی ضرورت کے باعث یہ گھریلو صارفین میں کم جبکہ صنعتی منصوبوں میں قدرے زیادہ استعمال ہورہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پولی کرسٹل پین تنکی تہہ والے پینل توانائی سولر پینل
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر