لنڈے کی جیکٹ سے 100 پاؤنڈز ملے، عاصم محمود نے دلچسپ واقعہ بتا دیا
اشاعت کی تاریخ: 10th, January 2025 GMT
پاکستان شوبز کے اداکار عاصم محمود نے اپنے کالج کے دنوں کا دلچسپ واقعہ بتا دیا۔
مشہور اداکار عاصم محمود، جنہوں نے اپنی اداکاری کے ذریعے کئی مشہور ڈراموں میں اپنی صلاحیتوں کا لوہا منوایا ہے، حال ہی میں ایک پروگرام میں بطور مہمان شریک ہوئے۔ انہوں نے اپنے تعلیمی دور کے ایک دلچسپ واقعے کا ذکر کیا جو ان کے لیے ایک یادگار لمحہ تھا۔
عاصم محمود نے بتایا کہ جب وہ سیالکوٹ میں زیرِ تعلیم تھے، تو سردیوں کے دوران ان کے اسکول کے طلباء کو نیلے رنگ کے سویٹر پہننے کی اجازت تھی۔
ایک سال سخت سردی کے باعث انتظامیہ نے طلباء کو نیلے رنگ کا کوئی بھی گرم لباس پہننے کی اجازت دے دی۔ اس وقت عاصم نے اپنے کالج کے قریب لنڈا بازار سے ایک نیلے رنگ کا جیکٹ خریدا۔ انہوں نے خود ہی اسے دھو یا اور استری کیا۔
عاصم نے انکشاف کیا کہ جب انہوں نے جیکٹ کی ایک اندر والی جیب چیک کی تو انہیں وہاں سے 100 پاؤنڈ کا نوٹ ملا۔ یہ ان کے لیے ایک غیر متوقع خوشی تھی جسے وہ آج تک نہیں بھولے۔
اس واقعے کو انہوں نے اپنی محنت اور نصیب کا حصہ قرار دیا اور مداحوں کے ساتھ شیئر کیا۔ تاہم سوشل میڈیا پر ان کے اس واقعے کی ویڈیو وائرل ہونے کے بعد انہیں شدید تنقید کا نشانہ بنایا جارہا ہے۔
سوشل میڈیا صارفین کا کہنا ہے کہ اداکار جھوٹ بول رہے ہیں کیونکہ 100 پاؤنڈز کا کوئی نوٹ ہی نہیں ہوتا۔
.ذریعہ: Express News
کلیدی لفظ: انہوں نے
پڑھیں:
معیشت کی بحالی میں جنرل عاصم منیر کی کاوشیں شامل ہیں، وفاقی وزیر اطلاعات
وفاقی وزیر اطلاعات و نشریات عطااللہ تارڑ نے پاکستان کی تعمیر و ترقی میں مسیحی برادری کے کردار کو زبردست خراج تحسین پیش کرتے ہوئے کہا ہے کہ مسیحی برادری نے ہمیشہ قومی پرچم میں سفید رنگ کی لاج رکھی، ان کے حقوق کا تحفظ میرا فرض ہے۔
یہ بھی پڑھیں:شہباز شریف کی قیادت میں معیشت بحال، 9 مئی کا بیانیہ دفن ہوچکا، عطا تارڑ
اتوار کے روز اپنے حلقہ میں ایسٹر کے موقع پر منعقدہ تقریب سے خطاب کرتے ہوئے وفاقی وزیر اطلاعات نے کہا کہ آج میں ان لوگوں میں موجود ہوں جنہوں نے نہ صرف قیام پاکستان بلکہ ملک کی تعمیر و ترقی میں بھی قابل ذکر خدمات سرانجام دی ہیں، وہ 70 ہزار مسیحی ووٹرز کی نمائندگی کرتے ہیں جس پر انہیں فخر ہے۔
انہوں نے ایسٹر کے موقع پر اپنی پارٹی، مسلم لیگ (ن)کے قائد محمد نواز شریف، وزیراعظم شہباز شریف، وزیراعلیٰ پنجاب مریم نواز شریف اور حمزہ شہباز شریف کی طرف سے مسیحی برادری کو مبارکباد پیش کی۔
وفاقی وزیر نے کہا کہ بین المذاہب ہم آہنگی وقت کی ضرورت ہے، ہمیں مشترکہ نکات پر ایک ایسا معاشرہ تشکیل دینا ہے جہاں اخوت، رواداری اور باہمی احترام غالب ہو۔
انہوں نے کہا کہ مسیحی برادری کی ہر خوشی اور تہوار میں ان کے ساتھ کھڑا ہوں، مسیحی برادری نے پاکستان کے لئے بے پناہ قربانیاں دیں، قومی پرچم میں سفید رنگ کی لاج رکھی، بہترین فائٹر پائلٹس پیدا کیے اور جنگوں میں اپنی جانوں کے نذرانے پیش کیے۔
یہ بھی پڑھیں:سمجھ نہیں آرہا کہ پیکا قانون پر اعتراض کیوں کیا جارہا ہے، وزیراطلاعات عطا تارڑ
انہوں نے کہا کہ مسیحی برادری کا ہمیشہ ملک کے دفاع اور ترقی میں کلیدی کردار رہا ہے۔
اپنے خطاب میں وفاقی وزیر اطلاعات نے اس امر کو اجاگر کیا کہ گزشتہ ایک سال کے دوران ملک معاشی ترقی کی طرف گامزن ہوا ہے، معیشت کی بحالی میں حکومت، وزیراعظم شہباز شریف، وزیراعلیٰ پنجاب مریم نواز اور چیف آف آرمی اسٹاف جنرل عاصم منیر کی مشترکہ کاوشیں شامل ہیں۔
آج دنیا بھر کے مالیاتی ادارے پاکستان کی معاشی ترقی کی تعریف کر رہے ہیں اور یہ سب ایک ’معجزاتی ٹرن اراؤنڈ‘ کی مانند ہے، معیشت بہتر ہو رہی ہے، ہم اڑان پاکستان کی طرف جا رہے ہیں۔
آخر میں وفاقی وزیر اطلاعات نے کہا کہ وہ مسیحی برادری کے نمائندے ہیں، ان کے ساتھ کھڑے رہیں گے، ان کے حقوق کا دفاع کرتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایسٹر جنرل عاصم منیر عطا تاررڑ مسیحی برادری معیشت نوازشریف وزیراعظم شہباز شریف وفاقی وزیر اطلاعات
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں