ماسٹر آئل انٹر کلب کرکٹ، ناظم آباد جم خانہ کی فتح
اشاعت کی تاریخ: 10th, January 2025 GMT
کراچی(اسپورٹس ڈیسک) ریجنل کرکٹ ایسوسی ایشن کراچی کے زیر اہتمام ماسٹر آئل لبریکینٹ کے تعاون سے منعقد کردہ ماسٹر آئل انٹر کلب کرکٹ ٹورنامنٹ میں گزشتہ روز مزید چار میچز کا فیصلہ ہو گیا۔ عباسی جیم خانہ گراؤنڈ پر کھیلے گئے پہلے میچ میں میں ناظم آباد جیم خانہ نے دوآب کرکٹ کلب کو 32 رنز سے ہرا دیا۔ ناظم آباد جیم خانہ نے پہلے بیٹنگ کرتے ہوئے 6 وکٹوں کے نقصان پر 251 رنز بنائے۔ حمزہ گھانچی نے شاندار بیٹنگ کرتے ہوئے 16 چوکوں 4 چھکوں کی مدد سے 104 ، علی ہاشمی نے 9 چوکوں ایک چھکے کی مدد سے 63 ، اور عبدل لطیف جو نیجو نے 32 رنز بنائے۔ سوباز سعید نے 2 وکٹ حاصل کئے۔ جواب دوآب کرکٹ کلب نے 8 وکٹو ں کے نقصان پر 219 رنز بنائے۔ کفایت زلباری نے 7 چوکوں 7 چھکوں کی مدد سے 86 ، وقاص اقبال نے 28 رنز بنائے۔ علی ہاشمی نے 3 جبکہ حمزہ گھانچی اور عبدل رحمان نے 2-2 کھلاڑیوں کو آوٹ کیا۔ اسٹوڈنٹس گراؤنڈ پر کھیلے گئے دوسرے میچ میں ایئرپورٹ جیمخانہ نے پاک مغل کرکٹ کلب کو 45 رنز سے ہرا دیا۔ ایئرپورٹ جیم خانہ نے 7 وکٹوں کے نقصان پر 255 رنز بنائے۔ حیدر علی نے 10 چوکوں کی مدد 86 ، شفیع اللہ نے 4 چوکوں کی مدد سے 51، عمیر شیخ نے 46، زبیر دلاور نے 30 رنز بنائے۔ محمد ثاقب نے 45 رنز دیکر 4 کھلاڑیوں کو آئوٹ کیا۔ جواب میں پاک مغل کرکٹ کلب 210 رنز بنا کر آوٹ ہوگئی۔ا حمد فاروق نے جارحانہ بولنگ کرتے ہوئے 5 اور عمیر شیخ نے 3 کھلاڑیوں کو آئوٹ کیا۔ تیسرے میچ میں بقائی گراؤنڈ پر بقائی ڈولفن نے محمد حسین جونیئر کرکٹ کلب کو 87 رنز سے ہرا دیا۔
.ذریعہ: Jasarat News
کلیدی لفظ: کی مدد سے
پڑھیں:
راشد لطیف کی پاکستان کرکٹ میں میچ فکسنگ کے راز فاش کرنے کی دھمکی
کراچی (نیوز ڈیسک) راشد لطیف نے پاکستان کرکٹ میں میچ فکسنگ کے راز فاش کرنے کی دھمکی دے دی۔
تفصیلات کے مطابق پاکستان کرکٹ ٹیم کے سابق کپتان راشد لطیف نے کرکٹ میچ فکسنگ کے رازوں سے پردہ اٹھانے کا اعلان کردیا۔
بھارتی میڈیا کے مطابق جیو ٹی وی پر گفتگو کرتے ہوئے راشد لطیف نے کہا کہ کتاب لکھنا شروع کردی ہے، 90کی دہائی میں کرکٹ میچ فکسنگ کا عروج تھا۔
راشد لطیف نے اپنی کتاب میں بڑے انکشافات کا اعلان کرتے ہوئے کہا کہ سب بتاؤں گا فکسنگ کیسے ہوتی تھی؟ کون کرتا تھا؟
ان کا کہنا تھا کہ90کے دور کی کرکٹ میں کیا کیا ہوتا رہا؟ یہ بھی بتاؤں گا اور یہ بھی بتاؤں گا کہ صدارتی معافی نامے کی درخواست کس سابق کپتان نے جمع کروائی تھی؟
2004میں ریٹائر ہونے کے بعد، یہ پہلا موقع ہے جب لطیف نے اپنی سوانح عمری جاری کرنے کے بارے میں بات کی ہے۔
راشد لطیف، جنہیں پاکستان کرکٹ کی تاریخ کے بہترین وکٹ کیپرز میں شمار کیا جاتا ہے، نے سب سے پہلے 1994میں میچ فکسنگ کے کرپشن اسکینڈل کی طرف توجہ دلائی، جب انہوں نے اور باسط علی نے جنوبی افریقہ کے دورے کے دوران ریٹائرمنٹ کا اعلان کیا۔
ان دونوں کا مؤقف تھا کہ وہ ڈریسنگ روم کے موجودہ ماحول میں مزید کھیل جاری نہیں رکھ سکتے۔
Post Views: 3
17 اپریل کو عام تعطیل کا اعلان