پاکستان کا ویسٹ انڈیز کیخلاف ممکنہ اسکواڈ:شاہین اور نسیم شاہ کو آرام؟
اشاعت کی تاریخ: 9th, January 2025 GMT
لاہور:پاکستان اور ویسٹ انڈیز کے درمیان 2ٹیسٹ میچز کی سیریز ملتان اسٹیڈیم میں کھیلی جائے گی، جس کے لیے پاکستان کا ممکنہ اسکواڈ سامنے آ چکا ہے، تاہم فاسٹ بالرز شاہین آفریدی اور نسیم شاہ کو اس سیریز کے لیے شامل نہ کرنے کا امکان ہے، جس کی وجہ سے کرکٹ کے حلقوں میں چہ مگوئیاں شروع ہوگئی ہیں۔
میڈیا ذرائع کے مطابق شاہین آفریدی کو بھی چند ناگزیر وجوہات کی وجہ سے آرام دیے جانے کا امکان ہے، تاہم اس کی ایک وجہ یہ بھی ہے کہ وہ آئندہ چیمپئنز ٹرافی اور سہ فریقی سیریز کے لیے مکمل طور پر تیار ہوں۔ اسی طرح نسیم شاہ کو جنوبی افریقا کے خلاف ناقص کارکردگی کے بعد ٹیم سے باہر رکھا جا سکتا ہے اور انہیں بھی آرام کا موقع دیا جانے کا امکان ہے۔
رپورٹس میں بتایا گیا ہے کہ شاہین اور نسیم کی غیر موجودگی میں محمد عباس، جو حالیہ سیریز میں شاندار فارم میں ہیں، سیریز میں فاسٹ بالنگ اٹیک کی قیادت کریں گے۔ ان کے ساتھ میر حمزہ اور خرم شہزاد کو شامل کیا جانے کا امکان ہے، جنہیں کرکٹ کے ماہرین قابل اعتماد انتخاب سمجھ رہے ہیں۔
اسی طرح ساجد خان اور نعمان علی کی اسپن بالنگ جوڑی ایک بار پھر میدان میں ذمے داری نبھائے گی۔ یہ جوڑی ماضی میں اپنی کارکردگی سے ٹیم کی کامیابیوں میں اہم کردار ادا کر چکی ہے۔
علاوہ ازیں ٹخنے کی انجری کی وجہ سے صائم ایوب ٹیم کا حصہ نہیں ہوں گے، ان کی جگہ عبداللہ شفیق کو شامل کیا جائے گا۔ کپتان شان مسعود، بابر اعظم اور عبداللہ شفیق پاکستان کے ٹاپ آرڈر کی بنیاد بنیں گے جبکہ مڈل آرڈر میں سعود شکیل، کامران غلام، اور محمد رضوان جیسے کھلاڑی شامل ہوں گے۔
ویسٹ انڈیز کے خلاف پاکستان کے ممکنہ اسکواڈ میں شان مسعود ، عبداللہ شفیق، بابر اعظم، کامران غلام، سعود شکیل، محمد رضوان ، آغا سلمان، میر حمزہ، محمد عباس، نعمان علی، ساجد خان، خرم شہزاد، حسیب اللہ خان ، محمد ہریرہ ، قاسم اکرم شامل ہو سکتے ہیں۔
.ذریعہ: Jasarat News
کلیدی لفظ: کا امکان ہے
پڑھیں:
یو اے ای کے نائب وزیراعظم شیخ عبداللہ بن زاید آل نہیان سے اسحاق ڈار کی ملاقات، مفاہمتی یادداشتوں پر دستخط
متحدہ عرب امارات کے نائب وزیراعظم شیخ عبداللہ بن زاید آل نہیان 2 روزہ سرکاری دورے پر پاکستان پہنچ گئے ہیں جہاں وہ وزیراعظم شہباز شریف سے بھی ملاقات کریں گے۔
پاکستان کے نائب وزیراعظم و وزیرخارجہ اسحاق ڈار نے شیخ عبداللہ بن زاید آل نہیان کا دفتر خارجہ میں استقبال کیا اور انہیں پاکستان میں خوش آمدید کہا۔
یہ بھی پڑھیے: متحدہ عرب امارات اور پاکستان کے درمیان مختلف شعبوں میں تعاون کے معاہدے طے پاگئے
شیخ عبداللہ بن زاید آل نہیان نے پاکستان کے ساتھ تجارت، سرمایہ کاری اور ہوا بازی سمیت مختلف شعبوں میں تعلقات کو مستحکم کرنے کے عزم کا اظہار کیا۔
اسحاق ڈار سے ملاقات میں انہوں نے خوشی کا اظہار کیا کہ دونوں ممالک کے درمیان تعلقات تیزی سے ترقی کر رہے ہیں۔ انہوں نے خاص طور پر ذکر کیا کہ پچھلے ایک سال کے دوران دوطرفہ معاملات تیزی سے آگے بڑھ رہے ہیں۔
شیخ عبداللہ بن زاید آل نہیان نے کہا کہ پاکستان ہمارے دلوں کے قریب ہے، دونوں ممالک کے رہنما اور عوام اس تعلق کو مزید ترقی دینا چاہتے ہیں۔
اس موقع پر نائب وزیراعظم اسحاق ڈار نے کہا کہ دونوں ممالک کے درمیان قدیم بھائی چارے کے تعلقات ہیں اور ان کے عوام کے درمیان محبت موجود ہے۔ انہوں نے کہا کہ ہم اپنے دونوں ممالک کے مفاد اور بہبود کے لیے مل کر کام کر رہے ہیں۔
اس موقع پر ایک تقریب میں دونوں ممالک کے درمیان مفاہمتی یادداشتوں پر دستخط کیے گئے۔
دونوں نائب وزرائے اعظم نے ثقافت کے شعبے میں تعاؤن اور قونصلر امور کے لیے مشترکہ کمیٹی کے قیام کی یادداشت پر دستخط کیے۔
اس کے علاوہ مشترکہ بزنس کونسل کے قیام کی یاددات پر بھی دستخط ہوئے۔
نائب وزیراعظم شیخ عبداللہ بن زاید آل نہیان کے دورے کے دوران دوطرفہ تعلقات کا جائزہ لیا جائے گا، خاص طور پر تجارت اور سرمایہ کاری، توانائی کے شعبے میں تعاون، علاقائی سلامتی اور لوگوں کے درمیان روابط پر گفتگو ہوگی۔
یہ دورہ دونوں جانب کے نمائندوں کو باہمی دلچسپی اور تشویش کے علاقائی و عالمی صورتحال پر اپنے خیالات کے تبادلے کا موقع بھی فراہم کرے گا۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں