ٹرمپ نے کیلیفورنیا میں خوفناک آتشزدگی کی مضحکہ خیز وجہ بتا دی
اشاعت کی تاریخ: 9th, January 2025 GMT
اپنے مضحکہ خیز بیانات کی وجہ سے شہرت رکھنے والے ڈونلڈ ٹرمپ نے ریاست کیلیفورنیا کے جنگل میں لگنے والی آگ کی حیران کن وجہ بتادی۔
امریکی نشریاتی ادارے کے مطابق نومنتخب صدر ڈونلڈ ٹرمپ نے کیلیفورنیا کے گورنر نیوزوم کو جنگل کی آگ کا ذمہ دار ٹھہرا دیا۔
نومنتخب صدر ڈونلڈ ٹرمپ نے اپنے بیان میں کہا کہ کیلیفورنیا کے گورنر نے کیلیفورنیا کے عوام کی پروا کرنے کے بجائے ایک مچھلی کو بچانے کی کوشش کی۔
ڈونلڈ ٹرمپ نے الزام عائد کیا کہ کیلیفورنیا کے گورنر نے لاس اینجلس کی آگ بجھانے کے لیے کم پانی دے کر سمیلٹ نامی مچھلی کی حفاظت کرنے کی کوشش کی۔
ڈونلڈ ٹرمپ نے کہا کہ گورنر نیوزوم نے پانی کی بحالی کے اعلامیے پر دستخط کرنے سے انکار کر دیا تھا اگر کیلیفورنیا میں بہنے کے لیے مزید پانی پمپ ہو جاتا تو اتنی تباہی نہ ہوتی۔
نومنتخب امریکی صدر نے کیلیفورنیا کے گورنر نیوزوم پر زور دیا کہ وہ کیلیفورنیا میں پانی کو پمپ کرنے کی اجاز دیدیں تاکہ آگ سے ہونے والے نقصان کو کم سے کم کیا جا سکے۔
.
ذریعہ: Express News
پڑھیں:
جامشورو: خوفناک ٹرئفک حادثہ میں 4 بچوں اور 6 خواتین سمیت 13 افراد جاں بحق
سٹی42: جامشورو کے کوہستانی علاقے میں خوفناک ٹرئفک حادثہ، بریک فیل ہونے سے مزدا الٹ گئی، 4 بچوں اور 6 خواتین سمیت 13 افراد جاں بحق، ، 20 سے زائد افراد زخمی، مقامی ہسپتال منتقل کردیا گیا۔
جامشورو کی تحصیل تھانہ بولاخان کے کوہستانی علائقے میں ٹریفک حادثہ پیش آیا ہے، جس میں 4 بچوں اور 6 خواتین سمیت 13 افراد جاں بحق اور 20 سے زائد زخمی ہوئے ہیں۔
بلوچستان کے علاقے دریجی سے واپس بدین جاتے ہوئے مسافر مزدا الٹ گئی، حادثے میں بدین سے تعلق رکھنے والے کولہی برادری کے 13 افراد موقع پر ہی جاں بحق ہوئے۔
اسٹوڈنٹ ویزا کا غلط استعمال، آسٹریلیا نے بھارت پر بڑی پابندیاں عائد کردیں
حادثے میں 20 سے زائد افراد زخمی ہوئے ہیں۔مسافر افراد بلوچستان کے علاقےدریجی میں گندم کی کٹائی کرکے مزدوری سے واپس بدین جارہے تھے۔ حادثے کا اطلاع ملتے ہی ریسکیو ٹیمیں جائے وقوع پر روانہ کردی گئی۔
اس سلسلے میں مقامی رکن سندھ اسمبلی ملک سکندر خان نے بتایا کہ ہم نے مقامی افراد کو بھی ریسکیو کے لئےبھیجا ہے، رات کے وقت اندہیرے کے باعث ریسکیو ٹیموں کو مشکلات درپیش ہیں، ہم نے ایمبولنسز کے علاوہ اپنی ذاتی گاڑیاں بھی جائے وقوع پر روانہ کی ہیں تاکہ زخمیوں کو جلد سے جلد حیدرآباد منتقل کیا جاسکے۔
انٹرمیڈیٹ کے امتحانات تین ہفتوں کے لئے ملتوی کردیے گئے
دوسری جانب سے ایس ایس پی جامشورو محمد ظفر صدیق چھانگا نے بتایا کہ تھانہ بولاخان پولیس کی ٹیمیں بھی جائے وقوع پر روانہ کردی ہیں، پولیس تمام امدادی سرگرمیوں میں حصہ لے رہی ہے اور لاشیں مقامی ہسپتال منتقل کروائی گئی ہیں۔
جاں بحق افراد کی تاحال شناخت نہ ہوسکی ہے، پولیس کے مطابق حادثہ مزدا گاڑی کا بریک فیل ہونے کے باعث پیش آیا۔
کراچی: کورنگی کریک میں ماہرین نے دوبارہ آگ لگا دی